Свой новы выставачны сезон мастацкая галерэя “VILNIUS” адчыніла выдатнай выставай,
прысвечанай памяці Яна Хруцкага,
беларускага хрысціянскага мастака. Выстава – вынік пленэру, які адбыўся пры
грэка-каталіцкай парафіі святамучаніка Язафата ў Полацку з блаславення
архімандрыта Сяргея, апостальскага візітара Беларускай грэка-каталіцкай царквы.
У выставе прымаюць удзел мастакі з Віцебску, Полацку, Мінску: Аляксей Ліцвінаў, Дзмітрый Мшар, Андрэй Піскун, Віктар Жукаў, Іван Іваноў, Ірына Бабарыка, Сяргей Чарцілін.
У выставе прымаюць удзел мастакі з Віцебску, Полацку, Мінску: Аляксей Ліцвінаў, Дзмітрый Мшар, Андрэй Піскун, Віктар Жукаў, Іван Іваноў, Ірына Бабарыка, Сяргей Чарцілін.
Прадстаўленыя
карціны ўяўляюць сабой краявіды Полацка, горада-легенды, аднаго з найстарэйшых
мясцін на тэрыторыі Заходняй Еўропы. На выставе ўвасобіўся дух гэтага горада, з
яго гісторыяй, храмамі.
Пленэр аб'яднаў
мастакоў не толькі творчасцю, але і ідэяй - данесці да гледача не толькі
фактычнае выяўленне тых ці іншых будынкаў, помнікаў, але і падкрэсліць
духоўнасць і святасць гэтых месц.
На адкрыцці выставы прысутнічалі
полацкі святар айцец Аляксандр Шаўцоў, старшыня полацкай
грэка-каталіцкай парафіі мастак Андрэй
Піскун і мінскі мастак Зміцер Мшар. Менавіта Зміцер стаў ідэйным
натхняльнікам пленэру. А полацкая парафія і яе
душпастыр Аляксандар Шаўцоў, які сам захапляецца мастацтвам і
выступае за захаванне спадчыны, забяспечылі
мастакам пражыванне і харчаванне. Музыкант Міхал Бараноўскі стварыў асаблівую
атмасферу духоўнасці і свята, выканаўшы песні на свае вершы і на вершы
Уладзіміра Караткевіча.
Энергетыка, якая
сыходзіць з карцін, не можа ні з чым параўнацца, таму што храм не проста
будынак, а цэнтр духоўнага жыцця мноства людзей. Малюючы святыя мясціны мастакі
далучаюцца да Божай міласэрнасці. А самі карціны ўзвышаюць думкі і пачуцці тых,
хто на іх глядзіць .
Комментариев нет:
Отправить комментарий