Пясчынка радзімы

Сучаснае мастацтва маладых мастакоў адна з найцікавейшых з’яў у мастацкім жыцці сталіцы. І сёння мінчане і госці сталіцы маюць магчымасць наведаць персанальную выставу жывапісу Юрыя Яскевіча “Пясчынка радзімы”.

Гледачу прапануюццу пейзажы, нацюрморты, выкананыя ў рэалістычнай манеры.

Сам мастак адзначае, што імкнецца ствараць карціны, падобныя тым, што пісалі на прыканцы 19 стагоддзя, а адным з мастакоў, які асабліва яго ўражвае і натхняе, лічыць Фердынанда Рушчыца.

Галоўнай тэмай выставы з’яўляецца прырода Беларусі, вясковыя краявіды і элементы вясковага побыту.

На адкрыцці выставы вядомы мастак-авангардыст Віталь Чарнабрысаў пажадаў аўтару далейшых поспехаў у творчасці і жадання не спыняцца на дасягнутым, а можа і звярнуцца за саветам да мэтраў, уважліва разгледзіць працы Бялыніцкага-Бірулі, мастака, які, на яго погляд, вельмі блізкі аўтару выставы.

         Асаблівую творчую атмасферу дапамагла стварыць піяністка Анастасія Броуда, якая выканала шэраг класічных твораў на фартэпіяна.